Na casa da luz , sacudida polos ventos do Norte.
É aquí onde me agardas .
Salgado e mollado
co berro do saxo. No esguince da guitarra.
( Eléctrica paixón que me sacode
de lado a lado )
Ondas na memoria e
un estrábico navío á deriva
no fondo do fondo
da mirada.
A ese Sol negro noite, que ti ves
no meu hourizonte
pregunto:
A cantas vidas estou da miña carne
que ata Aquí ninguén deu chegado.